நாடகக்கலை
நாடகம் – பொருள் விளக்கம்:
- நாடு + அகம் = நாடகம்
- நாட்டை அகத்துள் கொண்டது நாடகம்.
- நாட்டின் கடந்த காலத்தையும் நிகழ்காலத்தையும் வருங்காலத்தையும் தன் அகத்தே காட்டுவதால், நாடகம் எனப் பெயர் பெற்றது.
- நாடகம் என்பது உலக நிகழ்ச்சிகளைக் காட்டும் கண்ணாடி என்பது முற்றிலும் பொருந்தும்.
- கதையை, நிகழ்ச்சியை, உணர்வை நடித்துக் காட்டுவதும், கூத்தாக ஆடிக்காட்டுவதும் நாடகம் என்பர்.
- இதற்குக் கூத்துக்கலை என்னும் பெயர் உண்டு.
நாடகக்கலையின் தோற்றமும் வளர்ச்சியும்:
- தமிழின் தொன்மையான கலை வடிவம் நாடகம்.
- நாடகம் என்பது “போலச் செய்தல்” என்னும் பண்பு அடிப்படையாக கொண்டது.
- பிறர் செய்வதைப்போல தாமும் செய்து பார்க்க வேண்டும் என்ற மனித உணர்சித்தான் நாடகம் தோன்றக் காரணம்.
- மரப்பாவைக்கூத்து->பொம்மலாட்டம்->தோல்பாவைக்கூத்து->நிழற்பாவைக்கூத்து என வளர்ச்சி அடைந்தது.
இலக்கியங்களில் நாடகம்:
- தொல்காப்பிய மெய்பாட்டியல் நாடகப்பாங்கிலான உணர்வுகளுக்கு இலக்கணம் வகுத்துள்ளது.
- “கூத்தாட் டவைக்குல்லாத் தற்றே” என்னும் குறள் வழியாக நாடக அரங்கம் இருந்த செய்தி அறியலாம்.
- சிலப்பதிகாரத்தில் இளங்கோவடிகள், “நாடகமேத்தும் நாடகக் கணிகை” என்று மாதவியை குறிப்பிடுகிறார்.
கூத்து:
- தனிப்பாடல்களுக்கு மெய்ப்பாடு தோன்ற ஆடுவதை நாட்டியம் என்றும், ஏதேனும் ஒரு கதையை தழுவி வேடம் புனைந்து ஆடுவதை நாடகம் என்றும் குறிப்பிட்டு வந்துள்ளார்.
- நாட்டியம், நாடகம் இரண்டிற்கும் பொதுவாகக் “கூத்து” என்ற சொல்லே வழக்கில் இருந்தது.
அடியார்க்கு நல்லார்:
- சிலப்பதிகாரத்திற்கு உரை எழுதியவர்.
- இவர் கூத்துவகைகளைப் பற்றியும், நாடகநூல்கள் பற்றியும் தமது உரையில் கூறியுள்ளார்.
நாடக நூல்கள்:
- முறுவல், சயந்தம், செயிற்றியம், மதிவாணர் நாடகத்தமிழ் நூல், விளக்கத்தார் கூத்து, குணநூல், கூத்து நூல் முதலிய பல நாடக நூல்கள் நாடகத்திற்கு இலக்கணம் வகுத்துள்ளது.
- பரிதிமாற்கலைஞர், செய்யுள் வடிவில் இயற்றிய தம் நாடகவியல் எனும் நூலில் நாடகம் அதன் விளக்கம், வகைகள், எழுதப்பட வேண்டிய முறைகள் பற்றி கூறியுள்ளார்.
நாடகவியல்:
நாடக ஆராய்ச்சி நூல்கள்:
- சுவாமி விபுலானந்தர் = மதங்க சூளாமணி
- மறைமலையடிகள் = சாகுந்தலம்
- இவ்விரண்டு நூல்களும் நாடகம் பற்றிய ஆராய்ச்சி நூல்கள்.
தொழில்முறை நாடக அரங்குகள்:
- பம்மல் சம்பந்தனார், “நாடகத்தமிழ்” என்ற தம் நூலில் தொழில் முறை நாடக அரங்குகளைப்பற்றிய செய்திகளை நன்கு ஆராய்ந்து எழுதியுள்ளார்.
காலம்தோறும் நாடகக்கலை:
- ஏழாம் நூற்றாண்டில் மகேந்திரவர்ம பல்லவன் “மத்தவிலாசம்” என்ற நாடக நூலை எழுதியுள்ளான்.
- பதினொன்றாம் நூற்றாண்டில் இராசராசசோழன் ஆட்சிக் காலத்தில் “இராசராசேச்சுவர நாடகம்” நடைபெற்றதாகக் கல்வெட்டு குறிப்பிடுகிறது.
- நாயக்க மன்னர்கள் ஆட்சிக்காலத்தில் குறவஞ்சி நாடகம் தோன்றின.
- பதினேழாம் நூற்றாண்டின் பிற்பகுதியில் நொண்டி நாடகம் தோன்றின.
கட்டியங்காரன் உரையாடல்:
- பதினெட்டாம் நூற்றாண்டில் அருணாச்சலக் கவிராயரின் இராம நாடகம், கோபால கிருட்டின பாரதியின் நந்தனார் சரித்திரம் ஆகியன கட்டியங்காரன் உரையாடலோடு முழுவதும் பாடல்களாக அமைந்தன.
சமுதாய சீர்திருத்த நாடகங்கள்:
- காசி விஸ்வநாதரின் “டம்பாச்சாரி விலாசம்”.
- பேராசிரியர் சுந்தரனாரின் “மனோன்மணியம்”.
தேசிய நாடகங்கள்:
- “கதரின் வெற்றி” நாடகம் தான் தமிழ்நாட்டில் முதன் முதலாக நடத்தப்பட்ட தேசிய சமுதாய நாடகம்.
- இதனைத் தொடர்ந்து தேசியக்கொடி, தேசபக்தி முதலிய நாடகங்கள் நடத்தப்பட்டன.
சிறப்பிடம் பெற்றவர்கள்:
- பரிதிமாற் கலைஞர் - தமிழ் நாடக பேராசிரியர்
- சங்கரதாசு சுவாமிகள் - தமிழ் நாடக உலகின் இமயமலை, தமிழ் நாடக பேராசிரியர்
- பம்மல் சம்பந்தனார் - தமிழ் நாடக தந்தை
- கந்தசாமி - தமிழ் நாடக மறுமலர்ச்சி தந்தை
கவிமணியின் கூற்று:
- “நாடகச் சாலையொத்த நற்கலாசாலையொன்று நீடுலகில் உண்டோ நிகழ்த்து” என்ற கவிமணியின் கூற்றிற்குஏற்ப மக்களின் கண்ணை, செவியை, கருத்தைக் கவரும் வகையிலும் நாடகங்கள் கதை அழகோடு கவிதை அழகையும் கொண்டு வாழ்வைத் தூய்மைப்படுத்தும் வகையிலும் அமைதல் வேண்டும்.
இசைக்கலை
- இசை என்னும் சொல் “இயை” என்னும் வேர்ச்சொல்லில் இருந்து தோன்றியது
- இசையானது “கந்தருவ வேதம்” என்று அழைக்கப்படும் சிறப்பினை உடையது
- இன்னிசை, ஒத்திசை, தொகுப்பிசை என மூன்றாகப் பிரிப்பர்
- ஒற்றைச் சுரங்கள் இனிமையாகச் சேர்வது இன்னிசை. இந்திய இசை இன்னிசை வகையைச் சேர்ந்தது
- ஒத்த சுரங்களின் சுர அடுக்குகள் தம்முள் ஒத்திசைப்பது “ஒத்திசை” எனப்படும். மேலைநாட்டு இசை இந்த வகையைச் சார்ந்ததாகும்
- ஒவ்வோர் சுரத்திற்கும் வேறோர் இணைச்சுரம் சேர்க்கப்பட்டு இரண்டும் ஒன்றாக இசைப்பது தொகுப்பிசை ஆகும்
- இசையின் ஒலிக்குறிப்பு சுரம் எனப்படும்
- சுரம் என்பதற்கு இனிமை உடையது என்று பொருள்
- இசைத்தல் என்பதும் பொருள்
- இசைத்தல் என்பதற்கு பொருந்துதல், ஒன்றாதல் என்று பொருள்
- “இசையே புணர்ச்சி” என்பது தொல்க்காப்பிய உரியியல் நூற்பா
- இந்தியாவில் இந்துஸ்தானி இசை, கருநாடக இசை என்ற இரு பிரிவுகள் உள்ளன
சுரங்களின் பெயர்கள்:
| பழந்தமிழ் நூல்கள் | சுரங்களின் பெயர்கள் | சுரக் குறியீடு |
|---|---|---|
| குரல் | சட்சம் | ச |
| துத்தம் | ரிஷபம் | ரி |
| கைக்கிளை | காந்தாரம் | க |
| உழை | மத்தியமம் | ம |
| இளி | பஞ்சமம் | ப |
| விளரி | தைவதம் | த |
| தாரம் | நிஷதம் | நி |
- இவை ஏழு சுரங்கள் எனப்படும்
- ஏழு சுரங்களும் ஒன்றைவிட மற்றது வலியது என்ற வரிசையில் ஒலிப்பது ஆரோசை (ஆரோகணம்) ஆகும்
- ஏழு சுரங்களும் இறங்கு வரிசையில் ஒலிப்பது அமரோசை (அவரோகணம்) ஆகும்
- சுரம் என்பதற்கு உரிய தமிழ்ச்சொல் “நரம்பு” என்பதாகும்
- சுரங்கள் சேர்ந்தது “ராகம்” ஆகும்
- ராகம் என்பதற்கு உரிய தமிழ்ச்சொல் “பண்” என்பதாகும்
- இந்திய இசை ராகத்தை அடிப்படையாக கொண்டது
- பூபாளம், முகாரி, நீலாம்பரி போன்ற பல ராகங்கள் உண்டு
- விடியலில் பாட வேண்டிய ராகம் கேதாரம், தன்னியாசி
- முற்பகலில் பாடவேண்டிய ராகம் சாவேரி, தேவமனோகரி
- நண்பகலில் பாடவேண்டிய ராகம் ஸ்ரீராகம், மத்தியமாவதி
- பிற்பகலில் பாடவேண்டிய ராகம் முகாரி, பேகடை
- மாலையில் பாடவேண்டிய ராகம் கல்யாணி, வசந்தம்
- எல்லா நேரங்களிலும் பாடப்படும் ராகம் பைரவி, சங்கராபரணம், காம்போதி, ஆரபி
- தேவாரப்பாடல்களின் இசையைப் பகற்பண், இராப்பண், பொதுப்பண் என மூன்றாகப் பிரித்துள்ளனர்
இசைக்கருவிகள்:
- உலகில் இசைக்கப்படும் எல்லா இசைக் கருவிகளும் அடிப்படையான இசைக்கருவிகள் எல்லாம் கிழக்கு நாடுகளில் தோன்றின
- தமிழ்நாட்டில் இசைக்கருவிகளை நான்கு வகையாகப் பிரிப்பர்
- 1. தோல்கருவி 2. துளைக்கருவி 3. நரம்புக்கருவி 4. கஞ்சக்கருவி
- கஞ்சக் கருவி என்பது உலோகக் கருவிகளைக் குறிக்கும்
- தோல் கருவிகள் = பேரிகை, படகம், இடுக்கை, உடுக்கை, மத்தளம், சல்லி, கரடி
- துளைக் கருவிகள் = வங்கியம், கொம்பு, தாரை, குழல், காளம், சங்கு
- நரம்புக் கருவிகள் = யாழ, வீணை, கின்னரி
- கஞ்சக் கருவிகள் = கைமணி, தாளம், கஞ்சதாளம், கொண்டி
- பஞ்சமரபு என்ற பண்டைய இசைத்தமிழ் நூல் பாடகர் பாடுவது மிடற்றுக் கருவி எனக் கூறுகிறது
- இன்று மேலைநாட்டு இசைக்கருவிகளும் பயன்படுத்தப்படுகின்றன
- முதல் சங்கத்தில் பெருநாரை, பெருகுருகு (முதுநாரை, முதுகுருகு) என்ற நூல்கள் இருந்தன
- பெருநாரை என்பது இசைப்பற்றிய நூல், நரம்பு – நார் – நாரை
- பெருகுருகு என்பது துணைக்கருவிகள் பற்றிய இசைநூல்
- இடை சங்கத்தில் பேரிசை, சிற்றிசை என்ற இசைநூல்கள் இருந்தன
- கடைச்சங்கத்தில் இசைமரபு, இசை நுணுக்கம், ஐந்தொகை அல்லது பஞ்சமரபு என்னும் இசை நூல்கள் இருந்தன
- தொல்க்காப்பியம் தொடங்கி சங்க இலக்கியம், பதினெண்கீழ்க்கணக்கு நூல்கள், நிகண்டுகள், சைவ, வைணவ நூல்கள், புராணங்கள், சிற்றிலக்கியங்கள், உரை நூல்கள் என எல்லாவற்றிலும் இசைத்தமிழ் குறித்த, தமிழ் இசை குறித்த பல செய்திகள் இடம் பெற்றுள்ளன
- அடியார்க்கு நல்லார் சிலப்பதிகார உரையில் பஞ்ச பாரதீயம், பரத சேனாபதீயம், மதிவாணர் நாடகத்தமிழ், இசைநுணுக்கம், பஞ்சமரபு, தாளவகை ஒத்து என்ற இசை இலக்கண நூல்களைக் குறிப்பிட்டுள்ளனர்
- ஐந்து தினைக்கும் உரிய “யாழ” குறித்து இலக்கண நூல்கள் கூறுகின்றன
தமிழிசை வரலாறு:
- ஒவ்வொரு இனத்திற்கும் உரியதாய் ஓர் இசைமரபு இருக்கும். தமிழுக்கும் உரிய இசை மரபு தமிழிசை ஆகும்
- “இசையோடு சிவணிய நரம்பின் மறைய என்மனார் புலவர்” என்கிறார் தொல்காப்பியர்
- பரிபாடல் தூக்கு, வண்ணம் குறித்துக் கூறுகிறது
- கலித்தொகையின் தாழிசை இசைப்பாட்டே
- பாணரும் கூத்தரும் இசை வளர்த்த கலைஞர்களே ஆவர்
- சிலப்பதிகாரத்தின் அரங்கேற்றுக்காதை, கானல்வரி, ஆய்ச்சியர் குரவை, வேட்டுவரி, குன்றக்குரவை பகுதிகள் இசைப் பற்றியன
- களப்பிரர் காலத்தில் காரைக்கால் அம்மையாரின் திருவண்ணத்தந்தாதி போன்ற பதிகங்கள் இசையுடன் பாடப்பட்டன
- பல்லவர் காலத்தில் மூவர் முதலிகள் தமிழ் இசையை நன்கு வளர்த்தனர்
- நம்மாழ்வாரின் திருவாய்மொழி இசையை மேலும் வளர்த்தது
- கொங்குவேள் மாக்கதையாகிய பெருங்கதை யாழிசை குறித்த பல செய்திகளைக் கூறுகிறது. உதயணன் இசைப்பாடி வென்று சுரமஞ்சரியை மணக்கிறான்
- முதலாம் மகேந்திரவர்மனின் குடிமியான்மலைக் கல்வெட்டு இசைக் கல்வெட்டாகும்
- பெரியபுராணத்தில் ஆனாயநாயனார் புராணத்தில் குழலிசை பற்றியும் திருநீலகண்ட அனாரின் புராணத்தில் யாழ்த்திறம் பற்றியும் குறிப்புகள் உள்ளன
- திருவிளையாடல் புராணங்களில் அமைந்துள்ள சாதாரி பாடின திருவிளையாடல் விறகு விற்ற திருவிளையாடல் ஆகிய இசை பற்றியன
- அருணகிரிநாதரின் திருப்புகழ்ப்பாடல்கள் தாளக் கலைக்கு வேதமாகத் திகழ்கிறது
- தமிழிசையும் ஆரிய சங்கீதமும் கலந்து கர்நாடக சங்கீதம் தோன்றியது என்பர்
- பண்டைய தமிழிசை கருநாடக சங்கீதமாக வழங்குகிறது என்று தண்டபாணி தேசிகர் போன்றோர் கருதுகின்றனர்
- ராகத்தை முதன்மையாககக் கொண்டது சங்கீதங்கள்
- சங்கீதத்தோடு பாட்டும் இணைந்தது சாகித்தியங்கள் ஆகும்
- சீர்காழியில் பிறந்த முத்துத்தாண்டவர், மாரிமுத்துப்பிள்ளை, அருணாச்சலக்கவிராயர் ஆகிய மூவரும் தமிழ் பாடி தமிழிசை வளர்த்தனர்
- இம்மொவரையும் “தமிழ் மூவர்” என்றும் “சீர்காழி மூவர்” என்றும் “கருநாடக சங்கீத ஆதி மும்மூர்த்திகள்” என்றும் போற்றுவர்
- இம்மூவரே பல்லவி – அனுபல்லவி – சரணம் என்ற அமைப்பில் பாடும் பாடல் மரபைத் தோற்றுவித்தனர்
- இம்மரபைப் பின் வந்த சங்கீத மும்மூர்த்திகள் பின்பற்றினர்
- நாயக்கர் காலத்தில் தியாகையர், சியாமாசாஸ்திரிகள், முத்துசாமி தீட்சிதர் மூவரும் கீர்த்தனைகள் பாடினர்
- ஆபிரகாம் பண்டிதர் “கருணாமிர்த சாகரம்” என்ற நூலை இயற்றினார்
- இலங்கையில் பிறந்த விபுலானந்த அடிகள் “யாழ் நூல்” இயற்றினார். வழக்கொழிந்து போன யாழ குறித்து ஆராய்ந்ததோடு “யாழ்” கருவியை செய்து அதனை மீட்டியும் காட்டினார்
- அண்ணாமலை செட்டியார் தமிழிசைச் சங்கம் வைத்துத் தமிழிசையைக் காத்தார்
- தண்டபாணி தேசிகர், சீர்காழி கோவிந்தராஜன் போன்றோர் தமிழ் இசைக்குப் பாடுபட்டனர்
- பாரதியார் , பாவேந்தர் பாரதிதாசன், வெ. இராமலிங்கம் பிள்ளை, தேசிக விநாயகம் பிள்ளை
- மரபுக்கவிதை
- புதுக் கவிதை
- கடித இலக்கியம், நாட்குறிப்பு
- நாடகக்கலை, இசைக்கலை
- தமிழில் சிறுகதைகள்
- சிற்பம் ,ஓவியம், பேச்சு, திரைப்படக்கலை
- தமிழின் தொன்மை தமிழ் மொழியின் சிறப்பு , திராவிட மொழிகள் தொடர்பான செய்திகள்
- உரைநடை
- உ வே சாமிநாதர்,தெ.பொ.மீனாட்சி சுந்தரனார்,சி.இலக்குவனார்,தமிழ்ப்பணி தொடர்பான செய்திகள்
- தேவநேயபாவாணர், அகரமுதலி , பாவலரேறு பெருஞ்சித்திரனார்,தமிழ்த்தொண்டு தொடர்பான செய்திகள்
- ஜி.யு.போப், வீரமாமுனிவர்,தமிழ்த்தொண்டு சிறப்பு தொடர்கள்
- தந்தை பெரியார் , முத்துராமலிங்கர் , அம்பேத்கர் , காமராஜர் , சமுதாயத்தொண்டு
- தமிழகம் - ஊரும் பேரும்
- உலகளாவிய தமிழர்கள் சிறப்பும் - பெருமையும் - தமிழ்ப்பணியும்
- தமிழ்மொழியில் அறிவியல் சிந்தனைகள் தொடர்பான செய்திகள்
- தமிழ் மகளிரின் சிறப்பு
- தமிழர் வணிகம், தொல்லியல் ஆய்வுகள், கடற்பயணங்கள் தொடர்பான செய்திகள்
- உணவே மருந்து
- சமயப் பொதுமை உணர்த்திய தாயுமானவர் இராமலிங்க அடிகளார் , திரு.வி.கல்யாண சுந்தரனார் தொடர்பான செய்திகள் - மேற்கோள்கள்.
- நூலகம் பற்றிய செய்திகள்
- Question & Answers - Part 1
- Question & Answers - Part 2
- Question & Answers - Part 3
- Question & Answers - Part 4