தமிழ் அறிஞர்களும் தமிழ்த் தொண்டும் இராணி மங்கம்மாள்
இராணி மங்கம்மாள்
பெயர்: இராணி மங்கம்மாள்
கணவர் : சொக்கநாத நாயக்கர்
மகன் - மருமகள் அரங்க கிருஷ்ணமுத்து வீரப்பன் - சின்ன முத்தம்மாள்
பெயரன் விசயரங்கச் சொக்கநாதன்
மங்கம்மாள் தனது கணவர் மறைவுக்குப்பின், தன் மகன் இளம் வயதினனாக இருந்ததால் உடன்கட்டை ஏறாமால் அவனை வளர்த்து வந்தார்.
மகனுக்கு திருமணம் செய்வித்த பின்னர் முடி சூட்டினார்.
7 ஆண்டுகள் ஆட்சி நடத்திய அரங்க கிருஷ்ணமுத்து வீரப்பன் அம்மை நோய் கண்டு காலமானார்.
சிலநாட்களில் மங்கம்மாளின் மருமகள் ஆண் மகவை ஈன்றார். பின் அவரும் காலமானார்.
மங்கம்மாளின் பெயரன் விசயரங்கச் சொக்கநாதன் அரியணை ஏற்றப்பட்ட ஆண்டு - கி.பி.1688
பெயரளவில் பெயரன் அரியணையில் இருக்க, பாட்டி மங்கம்மாள் நாட்டை திறம்பட ஆட்சி செய்தார்.
முகலாயர்களிடம் பணிதல்:
ஒளரங்கசீப் தளபதி சல்பீர்க்கான் செஞ்சிக்கோட்டையை 7 ஆண்டுகள் முற்றுகையிட்ட போது, மங்கம்மாள் அவருக்கு விலையுயர்ந்த பொருள்களைக் கொடுத்து நட்பை வளர்த்துக் கொண்டார். முகலாயரின் உதவியுடன் மராத்தியர்களிடம் இழந்த சில பகுதிகளையும், உடையார்பாளையம் சிற்றரசர் கைப்பற்றியிருந்த சில பகுதிகளையும் மீட்டார்.
திருவிதாங்கூர் போர்:
திருவிதாங்கூர் மன்னன் இரவிவர்மா, மதுரை நாயக்க அரசுக்கு செலுத்த வேண்டிய திறைபொருளை செலுத்தாமல், கல்குளம் பகுதியில் இருந்த நாயக்கர் படையைத் தாக்கி அழிக்க, தளபதி நரசப்பையன் தலைமையில் மங்கம்மாள் அனுப்பிய படை திருவிதாங்கூர் படையைத் தோற்கடித்தது.
தஞ்சைப் போர்:
தஞ்சை ஷாஜி கைப்பற்றிய நாயக்கர் பகுதிகளை, தளபதி நரசப்பையன் தலைமையில் படை அனுப்பி மீட்டார். தஞ்சை அமைச்சர் பாலாஜி பண்டிதர் படையெடுப்பின்போது பெரும்பொருள் கொடுத்தனுப்பினார்.
மைசூர்ப் போர்:
மைசூர் மன்னன் சிக்கதேவராயன் காவிரியின் குறுக்கே ஆணை கட்டியபோது, அதனை எதிர்த்து தஞ்சையுடனான பகை மறந்து தஞ்சை - மதுரை கூட்டுப்படையை உருவாக்கினார் மங்கம்மாள்.
கர்நாடகாவில் அவ்வமயம் பெய்த கடும்மழையால் சிக்கதேவராயன் கட்டிய அணைகள் உடைய, சிக்கல் தற்காலிகமாக முடிவடைந்தது.
மங்கம்மாள் சமயத் தொடர்பாக சிறையிலிருந்து விடுதலை செய்த பாதிரியார் - மெல்லோ
மங்கம்மாள் வரவேற்று விருந்தோம்பிய வேற்றுமதக் குரு - போசேத்
மங்கம்மாள் இசுலாமியர்களுக்கும் மானியம் அளித்து, நல்வாழ்விற்காகவும் பள்ளிவாசல்களுக்காகவும் நிலங்களை மானியமாக வழங்கினார்.
மதுரையில் அன்னச்சத்திரம் நிறுவினார்.
புதிய சாலைகளை அமைத்தார். காநியாகுமரிக்கும் மதுரைக்கும் இடையே அமைந்த நெடுஞ்சாலை "மங்கம்மாள் சாலை” என அழைக்கப்படுகிறது.
மீனாட்சி ஆலயத்தில் ஆணித் திங்களில் ஊஞ்சல் திருவிழா நடைபெற ஏற்பாடு செய்தார்.
கொள்ளிடம் வெள்ளம் ஏற்பட்டு துன்புற்ற மக்களுக்கு உணவு, உடை, உறைவிடம் வழங்க ஆணையிட்டார். மத்திய சந்தை, மதுரைக் கல்லூரி உயர்நிலைப்பள்ளிக் கட்டிடம், இராமநாதபுர மாவட்ட ஆட்சித்தலைவரின் பழைய அலுவலகம் ஆகியன மங்கம்மாள் கட்டியதாகக் கூறுவர்.
