GS - Physics (இயற்பியல்) இயற்பியல் அளவுகள், அளவீடுகள் மற்றும் அலகுகள் Notes

இயற்பியல் அளவுகள், அளவீடுகள் மற்றும் அலகுகள்

• இயற்பியல் விதிகளை விவரிக்க பயன்படும் அளவுகள் இயற்பியல் அளவுகள் எனப்படும்.
• தெரிந்த உறுதிப்படுத்தப்பட்ட அளவோடு, தெரியாத அளவை ஒப்பிட்டுப் பார்ப்பது அளவீடு (Measurement ) எனப்படும்.
• தெரிந்த உறுதிப்படுத்தப்பட்ட அளவு அலகு (Unit) எனப்படும்.

இயற்பியல் அளவுகள் இருவகைப்படும்

• அடிப்படை அளவுகள்
• வழி அளவுகள்

• மற்ற இயற்பியல் அளவுகளை சாராமல் முழுமையாக வரையறுக்கப்படும் அளவுகள் அடிப்படை அளவுகள் எனப்படும்.
• எ.கா. : நீளம், நிறை ,காலம் ,etc.

• அடிப்படை அளவுகளை பயன்படுத்தி வரையறுக்கப்படும் அளவுகள் வழி அளவுகள் எனப்படும். எ.கா. : வேகம், பருமன்,முடுக்கம் etc.

கொடுக்கப்பட்ட இயற்பியல் அளவை ஒப்பிட பயன்படும் நிறுவப்பட்ட படித்தர அளவு அலகு எனப்படும்.

அலகு இருவகைப்படும்.

• அடிப்படை அலகு
• வழி அலகு

அடிப்படை அளவுகளை அளக்கப்பயன்படும் அலகு அடிப்படை அலகு எனப்படும். எ.கா. : மீட்டர், கி.கி.

வழி அளவுகளை அளக்கப்பயன்படும் அலகு வழி அலகு எனப்படும். எ.கா. மீ/வி, மீ$^{3}$, மீ/மீ$^{2}$.

• FPS முறை என்பது Foot, Pound, Second அலகுமுறை ஆகும்.
• CGS முறை என்பது Centimetre, Gram, Second அலகுமுறை ஆகும்.
• MKS முறை என்பது Metre, Kilogram, Second அலகுமுறை ஆகும்.

• எந்த ஓர் அளவீடும் அனைவருக்கும் ஒரே அளவைத்தான் தரவேண்டும். இது திட்ட அளவீடு (Standard Measurement ) எனப்படும்.
• மீட்டர், கிலோகிராம்,விநாடி என்பவை திட்ட அலகுகள் ( Standard Units ) எனப்படும்.
• 1960 - ல் 11-வது அனைத்துலக எடைகள் மற்றும் அளவுகள் சங்கத்தால், மாற்றங்களுடன் கூடிய MKS முறை, அனைத்து நாடுகளிலும் இன்று பின்பற்றும் SI அலகு முறையாக ஏற்றுக்கொள்ளப்பட்டது. இது “System International d'Units” என்பதன் சுருக்கமாகும்.
• SI அலகு முறையில் 7 அடிப்படை அளவுகளும் இரண்டு துணை அளவுகளும் உள்ளது.