RBI கட்டுப்பாட்டில் கூட்டுறவு வங்கிகள்
- கூட்டுறவு வங்கிகள் அனைத்தையும் ரிசர்வ் வங்கியின் கட்டுப் பாட்டில் கொண்டு வருவது தொடர்பான மசோதா மக்களவையில் நிறைவேறியது.
- பொதுமக்களின் சேமிப் புக்கு உத்திரவாதம் அளிக்கும் விதமாக வங்கிகள் ஒழுங்குமுறை சட்டத்தின்கீழ் கூட்டுறவு வங்கி களை ரிசர்வ் வங்கி கண்காணிப்பின்கீழ் கொண்டுவர புதிய மசோதா வழிவகை செய்துள்ளது.
- இதன் மூலம் கடந்த ஜூன் 26-ம் தேதி பிறப்பிக்கப்பட்ட அவசர சட்டத்துக்கு மாற்றாக புதிய சட்டம் அமலாக வழியேற் பட்டுள்ளது. இதன்படி கூட்டுறவு சங்க பதிவாளர்களின் கட்டுப்பாட்டில் இருந்து வந்த கூட்டுறவு வங்கிகள் அனைத்தும் இனி ரிசர்வ் வங்கியின் கண்காணிப்பின் கீழ் வரும்.
- நாட்டில் மொத்தம் 1,482 நகர்ப்புற கூட்டுறவு வங்கிகள் மற்றும் 58 பன்முக மாநில கூட்டுறவு வங்கிகள் செயல்படுகின்றன. இனி இவை அனைத்தும் ரிசர்வ் வங்கி கண்காணிப் பின்கீழ் வரும்.
ஹர்சிம்ரத் கெளர் பாதல் ராஜிநாமா
- இந்திய பிரதமர் நரேந்திர மோதி அமைச்சரவையில் மத்திய உணவு பதப்படுத்துதல் தொழிற்சாலைகள் துறை அமைச்சராக இருந்த ஹர்சிம்ரத் கெளர் பாதல் தனது பதவியில் இருந்து விலகியிருக்கிறார். இது தொடர்பான கடிதத்தை பிரதமர் நரேந்திர மோதியின் நாடாளுமன்ற அலுவலகத்தில் அவர் அளித்துள்ளார்.
- இந்த ராஜினாமாவிற்கு மொத்தம் மூன்று சட்ட மசோதாக்கள் காரணம் ஆகும். இந்த மசோதாக்களை எதிர்த்து அவர் தனது பதவியை ராஜினாமா செய்தார்.
லோக்சபாவில் நிறைவேறிய 3 விவசாய மசோதாக்கள்
-
மசோதா 1 - விவசாயிகள் உற்பத்தி வணிகம் மற்றும் வர்த்தக (பதவி உயர்வு மற்றும் வசதி) மசோதா, 2020
- இந்த மசோதா மூலம் அதிகார்பூர்வ விவசாய மார்க்கெட்கள், மண்டிகளுக்கு வெளியிலும் விவசாய பொருட்களை விற்க முடியும். குறிப்பிட்ட இடத்தில்தான் விவசாய பொருட்களை வர்த்தகம் செய்ய வேண்டும் என்ற நிலை போய், இனி எங்கும் வேண்டுமானாலும் இதை வர்த்தகம் செய்யலாம்.
- அதேபோல் வெளியில் இப்படி செய்யப்படும் வர்த்தகத்திற்கு மார்க்கெட் வரி உள்ளிட்ட வரிகளை மாநில அரசுகள் பெற முடியாது. அதேபோல் இப்படி பொருட்களை விற்பனை செய்ய உரிய அனுமதி பெற வேண்டியது இல்லை
- பண்ணை பொருட்களை உற்பத்தி செய்வதையும், விற்பனை செய்வதையும், அதை வாங்குவதையும் ஒழுங்குபடுத்த இந்த மசோதா கொண்டு வரப்பட்டுள்ளது என்று அரசு கூறியுள்ளது.
- இதன் மூலம் விவசாயிகள் கார்ப்பரேட் நிறுவனத்திடம் ஒப்பந்தம் செய்து அதன் மூலம் தங்கள் பண்ணை பொருட்களை விற்பனை செய்ய முடியும்.
- இந்த திருத்த மசோதா மொத்தமாக அத்தியாவசிய பொருட்களின் சந்தையை மாற்ற போகிறது. இதன் மூலம் தானியங்கள், பருப்பு வகைகள், எண்ணெய் வித்துக்கள், சமையல் எண்ணெய்கள், வெங்காயம் மற்றும் உருளைக்கிழங்கு ஆகியவை அத்தியாவசிய பொருட்கள் பட்டியலில் இருந்தே நீக்கப்படுகிறது.
- இதனால் இந்த உணவுப் பொருட்களின் உற்பத்தி, சேமிப்பு மற்றும் விநியோகம் ஆகியவற்றில் இனிமேல் எந்த கட்டுப்பாடும் இருக்காது.
- இதில் மசோதா 1 செவ்வாய் கிழமை வெற்றிகரமாக தாக்கல் செய்யப்பட நிலையில், மீதம் உள்ள இரண்டு மசோதாக்கள் இன்று தாக்கல் செய்யப்பட்டு, வாக்கெடுப்பில் வென்றது.
மசோதா 2 - விலை உறுதி மற்றும் பண்ணை சேவைகள் மசோதா (அதிகாரமளித்தல் மற்றும் பாதுகாப்பு) ஒப்பந்தம், 2020
மசோதா 3 - அத்தியாவசிய பொருட்கள் (திருத்தம்) மசோதா, 2020.
உத்கிருஷ்ட் சன்ஸ்தான் விஸ்வகர்மா விருது
- அனைத்திந்திய தொழில்நுட்பக் கல்விக் குழுவின் கீழ் வரும் நிறுவனங்களுக்கு 14 பிரிவுகளில் இரண்டாவது உத்கிருஷ்ட் சன்ஸ்தான் விஸ்வகர்மா விருதை விஸ்வகர்மா தினத்தை முன்னிட்டு மத்திய கல்வி அமைச்சர் ரமேஷ் பொக்ரியால் 'நிஷாங்க்' மெய்நிகர் முறையில் வழங்கினார்.
- 900-க்கும் அதிகமான நிறுவனங்கள் இந்த வருட விருதுக்காக தங்களை பதிவு செய்து கொண்டிருந்த நிலையில், 14 பிரிவுகளில் 34 நிறுவனங்கள் தேர்ந்தெடுக்கப்பட்டன.
- புனே பொறியியல் கல்லூரி ஒட்டுமொத்த பிரிவில் முதல் பரிசை வென்றது. 2019-ஆம் ஆண்டு நிறுவப்பட்ட இந்த விருது, அகில இந்திய தொழில்நுட்பக் கல்வி குழுவால் அங்கீகரிக்கப்பட்ட நிறுவனங்களின் செயல்திறனை அதிகரித்து சமூகத்தின் வளர்ச்சிக்கு பங்காற்ற செய்வதை லட்சியமாகக் கொண்டுள்ளது.